Sənaya təcavüzdə ittiham olunan xalası oğlu hakim qarşısına çıxarıldı

14.01.2022 | 11:18 Oxunma sayı: 400
Sənaya təcavüzdə ittiham olunan xalası oğlu hakim qarşısına çıxarıldı

İctimai fəal Sənay Qəhrəmanlını (Sənay Yağmur) zorlamaqda təqsirləndirilən xalası oğlu Əsgər Ağazadənin barəsindəki cinayət işi üzrə məhkəmə prosesi başlayıb.

"Kriminalqafqaz" xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən hazırlıq prosesində vəkillər cinayət işinin materialları ilə ətraflı tanış olmadıqlarını bildiriblər. Bu səbəbdən iclas yanvarın 26-a təxirə  salınıb.

Qeyd edək ki, 2004-cü il təvəllüdlü Sənay Qəhrəmanlının cinsi təcavüzə məruz qalması barədə müraciəti əsasında Cinayət Məcəlləsinin 149.2.3-cü (təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) maddəsi ilə Yasamal rayon prokurorluğunda başlanmış cinayət işi Baş Prokurorluğun İstintaq idarəsində aparılıb. İistintaq-əməliyyat tədbirləri ilə Əsgər Ağazadənin Sənay Qəhrəmanlıya cinsi təcavüz etməsinə əsaslı şübhələr müəyyən olunub.

Qeyd edək ki, Sənay Qəhrəmanlı siyasətçi Fuad Qəhrəmanlı və yazıçı Zümrüd Yağmurun qızıdır. S.Yağmurun iddiasına görə, xalasıoğlu ona tərkibi bəlli olmayan içki içirdib və daha sonra təcavüz edib.

Amin Nəzərli


Digər xəbərlər